Tá Bainisteoir á lorg ag Comharchumann Forbartha an Leith Triúigh Teo. chun dul i mbun cúraimí forbartha i gceantar feidhme an chomharchumainn.

Beidh an té a cheapfar fostaithe ag Comharchumann Forbartha an Leith Triúigh Teo. go lánaimseartha agus lonnaithe in oifigí an Chomharchumainn.

An Post:

• Déileáil le heagraíochtaí áitiúla pobail agus Stáit.
• Riaradh a dhéanamh ar obair an Chomharchumainn.
• Dul i gcomhairle leis na scairshealbhóirí maidir le forbairt tograí pobail.
• Tionscnaimh áitiúla a chomhordú agus a bhainistiú.
• Plé le forbairtí / tograí pobail atá ar siúl sa cheantar.
• Réimse na pleanála teanga agus cur chun cinn na Gaeilge sa cheantar mar chuid lárnach don bpost.
• Plean gníomhaíochta 5 mbliana an chomharchumainn a fheidhmiú.
• Riaradh agus bainistiú a dhéanamh ar sheirbhísí cúram leanaí. 
• Riaradh a dhéanamh ar sheirbhísí sóisialta.

Cáilíochtaí / Riachtanais:

•    Duine le taithí phraiticiúil agus cumas i riaradh gnó don earnáil pobail / dheonach atá á lorg.
•    Bheadh cáilíocht tríú leibhéal in ábhar gnó / forbairt pobail ina bhuntáiste. 
•    Taithí bainistíochta 3 mbliana.
•    Ní foláir go mbeadh ar chumas an té a cheapfar dualgais an phoist a chomhlíonadh trí mheán na Gaeilge, scríofa agus labhartha.
•    Ní mór go mbeadh scileanna riaracháin, cumarsáid, idirphearsanta agus ríomhaireachta ag an té a cheapfar. 
•    Taithí ar bhainistiú agus riaradh buiséid / deontais / airgead riachtanach.
•    Tá Ceadúnas glan tiomána riachtanach.

Íocfar tuarastal idir €40,000-€45,000 ag brath ar thaithí agus cáilíochtaí.

Seoltar iarratais mar aon le CV roimh an Aoine 26 Eanáir 2024 chuig:

An Cathaoirleach, Halla Le Chéile, Bréanainn, Trá Lí, 

Co Chiarraí nó eolas chuig eolas@cflt.ie   breis eolais : 066 7138137

Is fostóir comhionannais é CFLT Teo.